مواقف حقيقية وطريفة

كنت مرة في يوم جالسة وجالس جانبي واحد
شكله يقول انه مهندس دكتور حاجة كده
و فجأة حاسيت ان حد بياخد مني حاجة
والمشكلة انه طلع حرامي و سرق موبيلي
و هو بيسرق موبايلي وساعتها رن الموبايل
معرفتش اعمل ايه فقلتله ممكن الموبيل راح اداهوني
والله حرامي طيب مواقف حقيقية وطريفة Thumbup

________________________________________

مرة واحد اتصل بيا وقالى انتى طالق يا سناء طالق طالق طالق
ولما قولتلو ان النمرة غلط قال انا اسف وقفل
مواقف حقيقية وطريفة Confused1

________________________________________

مرة لما كنت فى ثانوى قعدت انا واصحابى نكتب على الحيطة
مثل بقيت الطلبة مثل ما بيكتبوا بس ده كان فى اخر اليوم الدراسى
وانا قاعدة اكتب لاقيت اصحابى مشيوا وقاعدين ينادوا عليا وانا مش برد
عليهم و عمالة اقولهم استنوا وشغالة كتابة وبعدين بصيت كده لاقيت المدير
واقف فوق راسى طبعا كنت هموت من الخوف فقلتله خد الاقلام انا مش عاوزاها
فضحك وقالى متعمليش كده تانى وعليها معملتهاش ابدا مواقف حقيقية وطريفة 001_tongue

_______________________________________

واحنا في رمضان بقوم اصلي الفجر اهو الواحد يعمل ثواب
عن كميات المعاصي اللي بيعملها طول السنه المهم
انا صحيت وطبعا كان شعري منكوش اتوضيت
ودخلت اوضه ماما على طراطيف صوابعي لانها كانت تعبانه
وانا ماشيه اتكعبلت خبطت في السرير والدنيا مظلمه
ماما صحيت ولقيتها عنيها مبحلقالي وبتقول(( عفـــ....عفــ .......عفــ............عفــــريت يا خراااااااااااااااااااااااااااااابي))واحنا الاتنين في صوت واحد يا بـــابـــا مواقف حقيقية وطريفة Scared

________________________________________

معلش هى قصة صغيرة بس تخليك تفكر مليون مرة
قبل ما تعمل موقف شهامة مع بنات اليومين دول ..
ليه بقى ..أقولكم ليه ...مرة واحد صاحبي كان فى المترو
ولقى بنت واقفة وهو كان قاعد راح عمل شهم وقعدها مكانه
ووقف بعيد شويه بس شايفها .جات بنت صحبتها جنبها
ومش لاقيه مكان بتقولها يا بختك انتى لقيتي مكان تقعدى ..
قامت قالت لها دورى يمكن تلاقى واحد حمار يقعدك مكانه ..
وصاحبي الشهم سمع كل ده .. شفتوا بنات اليومين دوول ...
.إن كيدهن عظيم ... مواقف حقيقية وطريفة Cursing

______________________________________

انا كنت قعده في اللجنه الاختبارات و كان عندنا
رئيس لجنه رخم قوي وانا كنت لوحدي
فمهم المراقبين اطمنولي وسبوني وطلعوا
وانا كنت مش عرفه احل حاجه خالص،
الامتحان كان صعب وكنت في 3 ثانوي
فقلت لازم اعمل حاجه اخدت الموبيل المدرس مردش عليا
رحت قمت بثقه واخذت الكتاب المدرسه اللي كانت معايا
وفتحتها لقيت فجأه المراقب ورايا قالي بتعملي ايه ..؟
رديت عليه والله يعني هكون بعمل ايه بغش طبعا
قللي والله قلتله اه والله وانا هكدب ليه ده حتى الكدب حرام
بس وقللي ارجعي مكانك وانا همليكي هههههه مواقف حقيقية وطريفة Closedeyes

_______________________________________

فى يوم كان الاستاذ بيشرح عن المخدرات
وكان جايب شوية حاجات مثل المخدرات
مثل بودرة الطباشير والملوخية الناشفة
وفعلا يشبه مثل المخدرات و فجأة واحد زميلى
قال كبسسة شرطة العيال كلها جريت
و الاستاذ لم الحاجة بسرعة وجري وهو مرعوب و شكلة عاش دور تاجر المخدرات
ههههههه مقلب مواقف حقيقية وطريفة Thumbup

_________________________________

كنت فى مره ايام الثانويه العامه كنت رايح اشترى لبن
المهم ان من طبعى كل لما اكون مشغول فى حاجه
انسى الدنيا كلها المهم روحت للبان وقلتله عايز كيلو لبن
واعطيتو 20جنيه قام الراجل ادانى الباقى وراح يعبى اللبن
بس قبل مايعبى اللبن كنت مشيت.وروحت البيت
ماما بتقولى فين اللبن قلتلها نسيته قالتلى طيب جبت ايه ..؟
قلتلها جبت الباقى.بصراحه كنت مكسوف خالص
وفى ثانيه كنت عند الراجل بجيب اللبن.ثانويه عامه بقى مواقف حقيقية وطريفة Glare

________________________________

مرة كنت عايز اكلم واحد صحبي على موبايله لانه تاخر عليا
اتصلت عليه وانا كنت معصب جدا عليه !!!
طبعا هو كان في الحمام وموبايله بره
انا اتصلت واول ما فتح الخط انا قولتله
انت فين يا ابن الحمار
لقيتو بيقولي الحمار بنفسه معاك !! طلع ابوه اللي رد عليه مش هو !!

ههههههه مواقف حقيقية وطريفة Bored

_______________________________

كنت مره بعمل شاى لاخواتى وليا ففتحت شباك المطبخ
لقيت صرصور مره واحده جى عليا رحت صرخت وصحيت البيت كلو
قمو قلولى ايه فى ايه قلتلهم صرصور
اخويا حدفنى با ولاعة وقلى افتكرنا المطبخ ولع

مواقف حقيقية وطريفة Crying

________________________________

كنت لسه صاحي من النوم، عالصبح كده،
المهم ماما قالت لي إلحق الراجل بتاع النعناع قبل ما يمشي،
عشان تجبلنا منه. جريت عالبلكونة، يا عم يا بتاع النعناع انت يا عاااااااام.
الراجل جاني، طلبت منه ، جهز طلبي و انا بفك السَبَت علشان متكعبل في بعضه،
الراجل زهق منّي. قاللي:"القف منّي يا بيه" ، المهم رمالي النعناع،
سيبت السبَت و مسكت النعناع، دلوقتي انا معايا النعناع و الراجل معاه السبَت
. رمالي السَبَت فسيبت النعناع عشان امسك السبَت. الراجل افش عليا و قاللي:
"دخل السَبَت الاول و بعدين خد النعناع". سمعت الكلام وتحملت التوبيخ
و اخدت النعناع وفرّجت المنطقة عليّا و كل ده عشان لسة مقلوب من عالسرير!
مواقف حقيقية وطريفة Cursing

________________________________
انا اكتر موقف محرج حصلى انى كنت قاعده فى الفصل
وبعدين قاعده اقلد مدرس عندنا والفصل كله فى وشى بيضحك عليا
وكان خلفي الباب وبعدين لقيت العيال وشها احمر وكلهم بيقوليلى
بصى وراكى وانا اكمل برده غباء بعيد عنكم هههههههههه
المشكله مش فى كده بعد ربع ساعه قلت ابص ورايا
لقيت المدرس كمان فطسان على روحه من الضحك
قمت ناطه من الشباك بتاع الفصل الحمد لله
كنت فى اول دور الحمد لله مواقف حقيقية وطريفة 001_rolleyes

_______________________________

مرة كنت رجعة من المدرسة وكان رباط الكاوتش اتفك
فلاقيت عربية روحت حطيت رجلى على العربية وفجأة لقيت العربية
راحت مزمرة فى وشى انخضيت ورحت بصه على العربية
لاقيت فيها اربع شباب وكانوا فطسنين عليا من الضحك
من ساعتها بطلت انى اربط الكاوتش على العربيات مواقف حقيقية وطريفة Sneaky2

_______________________________

مره كان جنبنا بقال وانا كنت عازه لبان المهم
البقال ده كان عنده بابين بيطلو علي شارعين
انا رحتله من باب قلتله عندك لبان قالي لا
رحت لفه له من الباب التاني وانا بفتكره بقال تاني وقلتله
عندك لبان زعق فيا وقالي قلت لا كان شكلي وحش اوىىىىىىىى

مواقف حقيقية وطريفة Sad

________________________________

مرة كان فى حرامى فى البيت فاخويا قال لماما فى حرامى ماصدقتش
خالص فالتلهم انا هفتح الباب وورونى هو فين الحرامى ده
وبتفتح الباب لقت الحرامى فوشها قامت مصرخه مواقف حقيقية وطريفة Scared

مواقف حقيقيه منقوله
__________________
مواقف حقيقية وطريفة 10100

أحب ربى حبا يفوق كل حب ، وأحب رسولى حبا اعظم من حب كل البشر ،

وأحب دينى حبا يعصمنى من كل شر ، وأحب قرآنى حبا يرشدنى لكل خير،

فياالهى أرجوك أحبنى وأحشرنى يوم القيامة مع رسولك الذى أحببت
___________
ثانويه عامة

ادعولي